शेअर बाजारात सोमवारी काय घडणार? गुंतवणूदारांसाठी महत्त्वाच्या १० गोष्टी

भारतीय शेअर बाजारासाठी आगामी सोमवारचा दिवस अत्यंत महत्त्वाचा ठरणार आहे. गेल्या शुक्रवारी रिझर्व्ह बँक ऑफ इंडियाने (RBI) आपले द्वैमासिक पतधोरण जाहीर केले. यामध्ये बँकेने व्यादरात (Repo Rate) कोणताही बदल केला नाही, मात्र देशातील महागाई वाढण्याची शक्यता वर्तवली आहे. तसेच आर्थिक विकास दराचा (GDP) अंदाज कमी केल्याने गुंतवणूकदारांमध्ये काहीशी नाराजी दिसून आली.

सामान्य गुंतवणूकदारांवर याचा थेट परिणाम असा होतो की, तुमचे गृहकर्ज किंवा वाहन कर्जाचे हप्ते (EMI) सध्या कमी होण्याची शक्यता नाही. जोपर्यंत महागाई नियंत्रणात येत नाही, तोपर्यंत बँका व्याजदर कमी करणार नाहीत. याशिवाय, अमेरिकन आणि युरोपियन बाजारपेठेतील मंदीचे संकेत आणि परदेशी संस्थागत गुंतवणूकदारांनी (FII) केलेली सततची विक्री यामुळे भारतीय शेअर बाजारावर दबाव वाढला आहे.

अशा परिस्थितीत सामान्य माणसाने काय करावे? जेव्हा बाजार अस्थिर असतो, तेव्हा घाईघाईने शेअर्स विकणे टाळावे. जर तुम्ही म्युच्युअल फंडामध्ये एसआयपी (SIP) करत असाल, तर ती सुरू ठेवावी. बाजारातील या घसरणीचा फायदा घेऊन चांगल्या कंपन्यांचे शेअर्स टप्प्याटप्प्याने खरेदी करण्याची ही एक संधी असू शकते. मात्र, कोणतीही मोठी गुंतवणूक करण्यापूर्वी तज्ज्ञांचा सल्ला घेणे आवश्यक आहे.